Ky është momenti rrëqethës kur një grua goditet 100 herë me rrip nga bashkëshorti i saj. Burri e kishte lidhur gruan në pemë dhe e godiste barbarisht. Edhe pse të shumtë në numër, njerëzit nuk ndërhynin për ta ndarë, por thjesht e shikonin. Gruas së pambrojtur i ishin lidhur duart me litar dhe ishte varur në pemë, dhe dëgjohej duke bërtitur nga dhimbjet e mëdha, derisa bashkëshorti vazhdimisht e godiste me rrip të lëkurës në Indi.
Një grup burrash dhe djem të rinj po qëndronin në formë rrethi dhe po shikonin me gjakftohtësi gruan duke u rrahur, derisa në një moment humb vetëdijen.
Por, tmerri për këtë grua nuk përfundoi këtu, raportohet se një grup i fshatarëve më pas janë munduar seksualisht ta keqtrajtojnë dhe kështu e kishin lidhur për ta përdhunuar.
Ajo ishte dënuar nga bashkëshorti i cili e kishte kapur “mat” teksa e tradhtonte me dikë tjetër. Sipas policisë indiane, gruaja ishte larguar nga shtëpia se bashku me të dashurin e saj me të cilin për disa ditë kishte qëndruar e fshehur në shtëpinë e të afërmve. Më 10 mars, bashkëshorti i saj i kishte dërguar disa burra që ta bindin që të rikthehet në shtëpi – duke i thënë asaj se do ta harrojnë të kaluarën dhe se do të rifillojnë gjithçka nga zero.
Por, kur ajo u kthye, fshatarët vendosën ta dënojnë – kështu bashkëshorti e goditi 100 herë më rrip. Pamjet amatore të filmuara me telefon të mençur, shihet qartë gruaja duke u rrahur derisa humb vetëdijen. TIRANA TODAY
