Një ngjarje e rëndë ka ndodhur në Rio de Janeiro, ku një grua është rrahur për katër orë të tëra, pasi kreu marrëdhënie seksuale me një 27-vjeçar. Elaine Caparroz u takua me Vinicius Serra, pasi kishte mbajtur kontakte me të prej 8 muajsh, derisa vendosi ta ftonte në shtëpi.
Takimi i tyre ka përfunduar me dhunën e vazhdueshme ndaj 57-vjeçares, derisa fqinjët kanë lajmëruar policinë pasi ka dëgjuar të bërtiturat e gruas. Kjo e fundit u gjet e mbuluar në gjak, ndërsa agresori është arrestuar dhe pritet t’u nënshtrohet analizave psikiatrike.
E lënduara ka marrë dëmtime shumë të rënda në fytyrë, ndërsa autori kur është pyetur në polici ka deklaruar se nuk e kishte kuptuar se çfarë kishte ndodhur. Gruaja ndodhet nën kujdesin e mjekëve dhe në gjende të rënduar edhe psikologjike.
