Tërmeti i rënë disa orë më parë në Turqi ka shkaktuar shumë dëmtime. Stambolli u godit nga një tërmet me magnitudë 5.8 Rihter. Por, në pak minuta kanë ndodhur edhe disa pasgoditje. Epiqendra u regjistrua në detin Marmara, me thellësi 2 km dhe 66 km në perëndim të Stambollit.
Teksa paniku i shkaktuar te banorët ka qenë shumë i madh, si pasojë e lëkundjeve shumë të forta veç dëmtimeve të banesave, është dëmtuar edhe një xhami. E cila ndodhet në rrethin Avcılar, ku është rrëzuar minarja e xhamisë.
Nga informacionet paraprake bëhet me dije se autoritetet vendase kanë bërë të mundur evakuimin e fëmijëve nga shkollat. Por, ende nuk dihen dëmet e sakta që janë shkaktuar. Deri më tani nuk njoftohet për humbje jete. Ndërkohë, banorët kanë dalë nga ndërtesat dhe të trembur janë dendur në rrugë.
