Një sherr me copa dërrase dhe karrige ka shpërthyer në Stamboll, për shkak të vendosjes së një antene celulari sipër shtëpisë së një banori në lagjen Esenyurt. Një përplasje e dhunshme është shkaktuar ndërmjet banorëve, dhe kjo reflektohet qartë nga pamjet në fjalë.
Esenyurt’ta ‘baz istasyonu istemiyoruz’ diyenlere sopalı saldırı
— Halk TV (@halktvcomtr) November 18, 2020
Në këtë sherr është përfshirë edhe një femër, e cila mundohet që të ndalë palët. Ajo përfundon e shtrirë në tokë, ringrihet e madje në një çast rrëmben edhe një karrige druri për vetëmbrojtje.
Banorët përreth kundërshtojnë vendosjen e antenës, me argumentin se ajo i dëmton shëndetin, ndërsa pronari i shtëpisë këmbëngul në të kundërtën duke synuar përfitimin e të ardhurave nga qiraja. Falë ndërhyrjes së policisë, është bërë e mundur shmangia e një tragjedie.
