Një aksident i rëndë është regjistruar në Elbasan më 12 tetor, ku një makinë përplasi për vdekje një 27-vjeçare.
Më 12 tetor, Miranda Dashëhana po kalonte rrugën bashkë me motrën e saj. Rreth orës 20:24 të mbrëmjes ato dalin nga një lokal pranë një karburanti në unazën e qytetit, në Elbasan dhe ecin në drejtim të rrugës së pavijëzuar ku nuk ka lëvizje të shumta makinash.
Pamjet e siguruara nga kamerat e sigurisë, tregojnë skenën shokuese ku një makinë merr përpara këmbësoren, duke i shkaktuar vdekjen.
Automjeti tip “Volkswagen” që drejtohej nga shtetasi me inicialet G.A., banues në Elbasan nuk arrin të frenojë edhe për shkak të reshjeve të shiut, duke e marrë përpara. Për pasojë e reja vdes në vend.
