Italia është vendi i dytë në botë më i prekur nga koronavirusi, ku numri i vdekjeve ka shkuar në 366, ndërsa të infektuar janë raportuar mbi 7375 persona. Italia është quajtur ndryshe edhe si vatra e përhapjes së virusit në Europë, pasi numri i viktimave është tejet i lartë.
Televizioni italian “La7”, transmetoi të dielën xhirime të rralla brenda repartit të terapisë intensive, në një spital të Cremona-s në veri të Italisë. Nga pamjet duket qartë stafi mjekësor që trajton pacientët me koronavirus.
Programi “PiazzaPulita” që transmetoi materialin, njoftoi se stafi i spitalit po punonte pa pushim, në kushte tepër të vështira pune.
Pamjet janë të frikshme. Aty duhen pacientët që po trajtohen në dhoma të posaçme, për të shmangur përhapjen. Disa prej tyre, të lidhur pas ventilatorëve, shihen të kthyer përmbys për të ndihmuar frymëmarrjen.
