Në Amerikë të gjithë e dinë se po të hapësh zjarr ndaj policisë, efektivet qëllojnë për të vrarë agresorin pa urdhër. Me pak fjalë nëse qëllon drejt policisë je i vdekur.
Por ka edhe raste, në rrethana të caktuara, kur mund të zbrazësh të gjithë karikatorin e pistoletës dhe të shpëtosh pa u ekzekutuar.
Në shtetin Arkansas, në Tontitown, një i ri ka qëlluar më pistoletë drejt policit. Zëri i Amerikës ka publikuar një video ku shihet 29 vjeçari Luis Cobos-Cenobio që del nga makina e tij dhe shkreh pistoletën në drejtim të policit.
Gjithçka është filmuar nga kamera në makinën e policisë e cila regjistron të gjithë shkëmbimin e zjarrit.
Për fatin e mirë të të riut polici nuk ka qëlluar për ta vrarë. Policia njofton se 29-vjeçari u ndalua më vonë dhe se do të përballet me akuza të rënda duke kaluar shumë vite në burg.
