Nënkryetari i Partisë Demokratike, Edi Paloka i është përgjigjur sërish deklaratës së ministrit të Energjisë dhe Industrisë Damian Gjiknuri.
Me anë të një statusi në ‘Facebook’ Paloka theksoi se Gjiknuri e ka renditur veten vullnetarisht pas Tahirit dhe Xhafajt. Ndërkohë, demokrati nuk i ka kursyer paralajmërimet për Gjiknurin, ndërsa i kujton tik-taket e kohës.
Ministri i Infrastrukturës dhe Energjetikës në turin e llogaridhënies është ndalur në Shushicë të Vlorës nga ku i është përgjigjur dhe akuzave të opozitës mbi situatën në miniera. Në fjalën e tij, Gjiknuri tha se Komisioni Evropian ka dhënë tanimë vlerësimin pozitiv për çeljen e negociatave duke e kthyer qershorin në një moment kyç. Sipas tij, duke ditur këtë situatë, opozita ka nisur një fushatë shpifjesh, sulmesh denigruese ndaj qeverisë.
“Shkojnë dhe ankohen tek të huajt. E filluan me ish Ministrin e Brendshëm, e vazhduan me Ministrin aktual të brendshëm, tani po dalin po më sulmojnë edhe mua”- tha Gjiknuri.
Reagimi i plotë i Edi Palokës në Facebook
Nuk dihet a eshte subkoshienca qe i flet, por sot Gjiknuri e ka renditur veten vullnetarisht pas Tahirit dhe Xhafajt.
Gjate “llogaridhenies” ne Selenice, Gjiknuri eshte shprehur : “Tahiri, Xhafaj dhe une sulmohemi si njerez me peshe ne PS…”
Tashme dihet qe Saimir Tahiri eshte i kapur nga antimafia italiane me Habilajt. Fatmir Xhafaj i kapur prej drejtesise italiane dhe jo vetem, me Agron Xhafajn.
Po Gjiknuri ?
Tik-tak…Tik-tak
