Kreu i grupit parlamentar të Partisë Demokratike, Edi Paloka, pas mbledhjes së Asamblesë së PD-së, deklaroi se kushtet që Astrit Patozi kërkoi nuk iu plotësuan dhe për këtë arsye ai nuk kandidoi.
“Nuk është ndjekur procedua që është kërkuar me këmbëngulje. Në të tjera situata ishin kushte të tjera. Mendimet ndryshe krijojnë gjithmonë debat. Rasti i Zotit patozi iu bë i qartë edhe në kryesi. Patozi deklaroi se kushtet nuk iu plotësuan dhe nuk kandidoi. Unë kërkova që të qartësohej situata e kandidimit të zotit Patozi. Në një mbledhje kryesi nuk mund të bëhet analizë. Gjatë fushatës do të ketë ballafaqim të kandidatëve ku do të diskutohen edhe këto gjëra. Nuk u përjashtua njeri nga gara për kreun e Partisë demokratike. Një pjesë ishin vetëm antarë të partisë demokratike. Vetëm farsë nuk është gara për kreun e Partisë Demokratike. Nga 2013 ka një precedent dhe udhëzime që janë marrë nga komisioni paraardhës. Duhet që procesi i zgjedhjes së kryetarit të jetë sa më transparent”, tha Paloka.
