Zëvendës Ndihmës Sekretari i Shtetit për Evropën, Matthew Palmer, ka deklaruar se nuk është në Tiranë për të negociuar për një platformë me palët. Në kohën kur vendi është ‘mbërthyer’ nga ngërçi politik, e kur opozita ka vendosur për të mos u ndalur me protestat, Palmer kërkon nga palët që të shkojnë në zgjedhje.
“Nuk jam këtu për të negociuar një platformë me palët. Të gjitha partitë politike duhet të marrin pjesë në zgjedhje, dhe duhet të punojnë fortë për to dhe procesin politik.
Shqipëria la një qeveri legjitime me të cilën ne bashkëpunojmë. Ai vend aleat dhe do të ketë suportin tonë. Jam konfident se kjo qeveri do të çojë vendin përpara dhe do vazhdojë me zbatimin e reformave si ajo në drejtësi.
Është përgjegjësi e opozitës për të marrë pjesë në zgjedhjet e qershorit. Ajo duhet të ndajë vizionin e saj me mbështetësit dhe të punojë fort. Vetëm në këtë mënyrë mundet të fitojë në arenën politike”, u shpreh Palmer në një takim sot me gazetarët.
