Të dhëna tronditëse nga Turqia për shembjen e një pallati 7 katësh nga tërmeti në Izmir.
Një prej banorëve, Mustafa Yıldırım, thotë se ndërtesa u raportua si “e kalbur” nga komuna 2 vjet më parë, por u braktis për shkak të banorëve që kundërshtuan shembjen.
“Ata që kundërshtuan transformimin e ndërtesës janë tani nën rrënoja, kanë vdekur” tha Yıldırım.
Ndërsa përpjekjet e shpëtimit vazhduan në pallatin me 7 kate, ekipet përparuan në nivelin e katit të 3-të.
Deri më tani, janë raportuar 49 viktima dhe 869 të plagosur.
Tërmeti i fuqishëm që goditi të premten e 30 tetorit Detin Egje midis bregdetit turk dhe ishullit grek të Samos, kishte një magnitudë 6.6 të shkallës të Rihterit.
Në ishullin Samos të Greqisë, humbën jetën dy adoleshentë nga tërmeti, ndërsa disa të tjerë mbetën të plagosur mes tyre dhe një shqiptar.
