Koordinatori për Situatën Ekonomike të COVID-19, Arben Ahmetaj ka sqaruar më me detaje paketën e zgjeruar të bërë publike më herët nga kryeministri Rama.
I ftuar në emisionin “Opinion”, Ahmetaj tha se nga paketa e dytë ekonomike do të përfitojnë 176 mijë qytetarë. Ministri shtoi se të gjithë ata që përfitojnë do të paguhen brenda datës 5 maj.
Sipas tij, se hyrja e paketës së dytë lindi si domosdoshmëri pas aplikimit të paketës së parë dhe si rezultat i lëvizjes ekonomike. Ahmetaj deklaroi se nga paketa e parë kanë përfituar më shumë se 20 mijë njerëz.
Përfituesit e paketës së dytë janë të ndarë në tre kategori kryesore:
- 40 mijë lekë të reja për 10 mijë punonjës në turizëm.
- 40 mijë lekë të reja për 66 mijë punonjës që janë larguar ose pezulluar nga biznesi i madh.
- 40 mijë lekë të reja për 100 mijë punonjës në bizneset e vogla, që kanë punuar me xhiro minimale dhe nuk përfituan nga paketa e parë.
