Deputeti i PD-së, Tritan Shehu, ka shprehur shqetësimin pas paralajmërimit të kryeministrit Edi Rama, për hartimin e një pakete anti-shpifje, duke marrë shkas nga rasti ‘Xhisiela’.
Ai shkruan në Facebook se shkatërrimi i vendit tonë, i demokracisë, e të ardhmes, nuk po ndodh për shkak të “shpifjeve” ndaj pushtetit, por nga zullumet qeverisëse, krimi, inkriminimi i institucioneve, korrupsioni, etj.
Por mbi të gjitha ai është i alarmuar për fshehjen e së vërtetës, frika apo hezitimi qytetar për të denoncuar haptazi problemet, ndrydhja ndaj pushtetit, frika ndaj krimit, kapja e medias, etj.
