Delegacioni i Komisionit të Venecias pritet të zbarkojë ditën e sotme në zyrën e presidentit Meta.
Të dërguarit e këtij komisioni do të mbledhin faktet për çështjet e diskutuara për mediat audiovizive dhe paketën “Anti-shpifje” në tërësi. Delegacioni do të jetë i pranishëm në Shqipëri edhe ditën e nesërme, ku priten të zhvillojnë një takim me përfaqësues të Autoritet të Medias Audiovizive.
Pas takimit me presidentin, Komisioni i Venecias do të takojë kryetaren në detyrë të Gjykatës Kushtetuese, Vitore Tusha, kreun e AKEP-it dhe avokaten e Popullit, Erinda Ballanca.
Kujtojmë se paketa “Anti-shpifje” u dërgua në “Venecia” nga Asambleja Parlamentare e Këshillit të Evropës dhe OSBE.
