Monika Kryemadhi ka shuar heshtjen, dhe ka dhënë një koment për atë që është zhvillimi kryesor në jetën politike dhe më gjerë. Posti i Ministrit të Brendshëm shkaktoi një ngërç mes kryeministrit Rama dhe presidentit Meta. E pranishme në Panairin e Librit, kryetarja e LSI-së, është munduar që të shmangte me stil pyetjet e gazetarëve lidhur me bllokimin që i ka bërë presidenti Meta, emrit të Sandër Lleshit.
Kryemadhi u shpreh se më shumë sesa emrat, atë e shqetëson kapja që Edi Rama i ka bërë këtij institucioni, duke thënë se ai është shkaktari i të gjitha të këqijave në vend.
“LSI nuk është institucion Vettingu, shkoni pyeteni presidentin për z. Sandër Lleshi, pak metra më tutje e keni Presidencën. Për mua nuk ka rëndësi ministria me ministër apo pa ministër.
Unë di që ai është një institucion i kapur nga Edi Rama. Shkaktari i të gjithë të keqes së sotme është Edi Rama, Erion Veliaj është vetëm një ushtar”, u shpreh Kryemadhi në fjalën e saj.
