Zbardhen detaje nga atentati me armë ndaj aktorit Mishel Manoku (Prela) te “Partizani” në Tiranë.
Operacioni “Pagesa” është quajtur ai që vuri në pranga porositësin, ekzekutorin dhe bashkëpunëtorët e atentatit ndaj aktorit, i cili mbeti i plagosur mbrëmjen e së premtes në Tiranë
Në një konferencë për shtyp drejtori i policisë së Tiranës, Ardi Veliu tha se policia ka arrestuar gjithë anëtarët e këtij grupi, që nga porositësi deri tek ekzekutori.
Sipas tij, vrasja është porositur nga Ervin Zallumi, i cili ka paguar plot 80 mijë euro që të eliminohej Prela.
Në pranga sipas Veliut janë vënë, porositësi, ekzekutori dhe bashkëpuëntorët e tyre, pjese e nje grupi te strukturuar kriminal.
”Kemi zbardhur dhe dokumentuar tërë mekanizmin e ngjarjes, që është një vrasje me pagesë mbetur në tentativë nga një grup i strukturuar kriminal. U arrestuan të gjithë anëtarët e grupit, nga porositës, ekzekutori dhe ndihmësit. Ervin Zallumi është personi që ka porositur vrasjen e shtetit Mishel Prela, i cili ka paguar 80 mijë euro për vrasje, shumë që do ia jepte Shkelzen Bucit, lindur në Peshkopi dhe banues në Tiranë, i cili ka qenë dhe ekzekutori”- njoftoi kreu i policisë Tiranë”
Sipas policisë, Shkëlzen Bucit që ishte në rolin e ekzekutorin iu sekuestrua arma e krimit. Ndërkohë u kap Miklar Tola, bashkëpunëtor në tentativën e vrasjes; Trim Hidri, ka bërë të mundur largimin nga vendi i ngjarjes pas kryerjes së krimit dhe Ermir Tola, vëllai i Miklarit, pjesëtar aktiv i grupit kriminal.
