Procesi i numërimit të votave nuk ka mbaruar ende në Shtetet e Bashkuara të Amerikës, edhe pse deri më tani Joe Biden po kryeson rezultatet.
Sipas rezultateve të publikuara nga Fox News, kandidati Joe Biden ka 238 vota elektorale, ndërkohë që presidenti Trump ka arritur të sigurojë 213 vota elektorale, deri në këto momente.
Por ky rezultat ende i pavendosur, pasi në shumë shtete deçizive ende nuk janë numëruar votat, nuk e ka penguar kryeministrin e Sllovenisë, Janez Jansa, të urojë presidentin Trump për fitoren.
“Është mjaft e qartë që populli amerikan ka zgjedhur Donald Trump”, ka shkruar Jansa në Twitter.
“Është mjaft e qartë që populli amerikan ka zgjedhur Donald Trump dhe (zëvendëspresidentin) Mike Pence për katër vjet të tjera. Vonesa dhe mohimi i mëtejshëm nga MSN, do të shërbente vetëm për të theksuar triumfin e fundit të presidentit. Urime Partisë Republikane për rezultatin e fortë në të gjithë SHBA-në”, ka shkruar Jansa.
Ky postim nxiti reagime tw menjëhershme nga disa eurodeputetë, duke përfshirë gjermanin Nicola Beer nga Renew Europe Group.
“Donald Trump ka librin e tij thellësisht jodemokratik, të pajustifikuar mbi zgjedhjet, shtetet anëtare të BE nuk duhet të luajnë së bashku,” shkroi Beer në Twitter.
