Ashtu siç kishte njoftuar, presidenti Meta ka dalë në një konferencë për shtyp që në mëngjes, për të dhënë arsyet e tij për shtyrjen e zgjedhjeve.
Ai tha se nuk mund të zhvillohen zgjedhjet pa praninë e opozitës, pasi do të kishte një përplasje civile.
“Presidenti është i organi i vetëm Kushtetues që cakton datën e zgjedhjeve. Sipas kushtetutës, pa patur një datë të caktuar nga presidenti, zgjedhjet e përgjithshme apo ato vendore nuk mund të zhvillohen në Republikën e Shqipërisë.
Kurrsesi data e zgjedhjeve nuk mund të jetë ditë përçarëse. Ekziston rreziku real që Shqipëria të shkojë drejt përshkallëzimit të parparashikueshëm, që mund të shkaktojë pasoja të paparashikueshme. Është rrezik për paqen në vend”, tha Meta.
Për Metën, ekziston rreziku real që vendi të shkojë drejt përshkallëzimit të ndasive sociale, që mund te shkaktojë pasoja të rënda. Ai shtoi se këto zgjedhje do të ishin një proces zgjedhor fiktiv dhe fals.
Pa opozitën nuk ka garë. Dhe sipas Metës, mazhoranca nuk po ndërmerr asnjë hap të nevojshëm për zgjidhjen e krizës.
