Kryeministri Edi Rama ka prezantuar dy platformat, duke u dhënë mundësi të rinjve të aplikojnë për tu punësuar. Kreu i qeverisë e ka demostruar me rastin e Migenës, ku me anë të një kliku në faqen zyrtare të Departamentit të Administratës Publike, konkuroi dhe fitoi me meritë vendin e punës si juriste në Inspektoriatin Shtetëror të Mbikqyrjes së Tregut.
Rama njofton se me anë të faqes zyrtare të DAP, 740 të rinj deri në 30 vjeç janë rekrutuar në shërbimin civil brenda tre viteve të fundit. Ndërsa përmes platformës së ekselentëve www.punetembare.al , 602 studentë kanë fituar vendin e punës, 491 prej të cilëve me pozicione në shërbimin civil.
Postimi i plotë:
Pa asnjë mik, por vetëm me një klik në faqen zyrtare të Departamentit të Administratës Publike, www.dap.gov.al , Migena konkuroi dhe fitoi me meritë vendin e punës si juriste në Inspektoriatin Shtetëror të Mbikqyrjes së Tregut
Përmes faqes zyrtare të DAP, 740 të rinj deri në 30 vjeç janë rekrutuar në shërbimin civil brenda tre viteve të fundit, ndërsa përmes platformës së ekselentëve www.punetembare.al , 602 studentë kanë fituar vendin e punës, 491 prej të cilëve me pozicione në shërbimin civil.
Të dyja këto platforma u kanë dhënë mundësi qindra të rinjve që të marrin eksperiencën më të mirë nga profesionistët e fushave të tyre, por edhe të rienergjizojnë me talentin e tyre, sektorin e administratës publike, e cila po luan një rol thelbësor në sfidën tonë për ta çuar Shqipërinë në një tjetër nivel.
