Kryetarja e Kuvendit të Kosovës, Vjosa Osmani, ka reaguar edhe një herë lidhur me deklaratat e Presidentit Hashim Thaçi.
Ky i fundit pohoi para pak ditësh se disa familjarë të Osmanit kanë punuar për Serbinë.
Ndërkohë ditën e sotme, Kryetarja e Kuvendit të Kosovës theksoi se nëse dikujt nga familja e saj i ndodh diçka, atëherë fajtor do të jetë Presidenti.
“Kjo ma kujton gjuhën e viteve të ‘90-ta kur zyrtarët e LDK-së shpalleshin bashkëpunëtorë të Serbisë dhe pastaj e dinë çka ju ndodh atyre.
Dua të them sot se familja ime do të merret me tëra këto, me institucionet e drejtësisë, por nëse diçka i ndodh familjes time, ne e dimë kush është përgjegjës”, tha Osmani në “RTK”.
