Kreu i Partisë Demokratike, Lulzim Basha, ka reaguar pas ftesës së OSBE-së, për të organizuar një tryezë gjithëpërfshirëse me të gjithë aktorët politik në vend, për të diskutuar ecurinë e Reformës Zgjedhore.
Ai tha në një deklaratë për mediat se kjo ftesë nuk ka mbërritur ende, ndërkohë që ka theksuar se me të mbërritur dhe njohur me të, do të diskutohet për arritjen e një qëndrimi zyrtar lidhur me këtë ftesë. Po kështu, kryedemokrati shtoi më tej se kriza të tilla nuk zgjidhen me tryeza.
“Nuk na ka ardhur ende ftesa, do ta diskutojmë. Kriza të tilla nuk zgjidhen me tryeza. Do të ishte iluzion për ata që mendojnë se kriza zgjidhet me tryezë. Partia Demokratike, e angazhuar për reformën zgjedhore”, ka deklaruar Basha.
