Bota është në alarm nga COVID-19. Mjekët në Itali po përballen me faktin se kë do të shpëtojnë, ndërsa shikojnë tek referencat moshën dhe sëmundjet shoqëruese. Ata e kanë të pamundur të përballojnë pikun e rasteve të të infektuarve.
Por ndryshe nga çfarë po ndodh në Itali, ku po përballen me një luftë ku armiku është i padukshëm, edhe në Londër mjekët po këshillojnë në mënyrë të vazhdueshme qytetarët që të kuptojnë se çfarë bën ky virus.
Dr Katie Sanderson, një doktoreshë e re në Mjekësinë Akute në një spital në Londër, iu përgjërua dëgjuesve të ndalen dhe të mendojnë para se të dalin nga shtëpia e tyre, ndërsa foli për BBC Radio 4 këtë mëngjes.
Mjaft e shqetësuar për popullatën që lëviz pa masat mbrojtëse, 32-vjeçarja tha se është mjaft tronditëse kur pyet pacientët nëse ‘duan të vdesin në spital apo në shtëpi’.
Dr Sanderson tha se ishte e detyruar të pyeste pacientët me koronavirus dhe të dashurit e tyre, nëse ata ‘duan të vdesin në spital ose në shtëpi’. “Unë jam 32 vjeç dhe kam kolegë të kujdesit intensiv që janë në të 30-tat. Një mik i cili është 28 vjeç më tha që e kishin bërë me vullnetin e tyre. Me të vërtetë, merreni seriozisht këtë. Kam dëgjuar që njerëzit thonë, ‘Unë dua të prekem me koronavirus në mënyrë që të jem imun’. Nuk funksionon kështu. Nëse nuk e merrni seriozisht këtë, ju po e dënoni dikë që të vdes potencialisht me një infermiere që ata nuk e njohin, sepse ne nuk i lejojmë vizitorët në spitale. Kjo, ose vdes në shtëpi. Ky është realiteti”.
