Shqiptarët përjetuan orë ankthi e tmerri nga tërmetet e njëpasnjëshme. Pamjet filmike të cilat bënë xhiron në rrjetet sociale, dëshmuan frikën, ndërsa qytetarët nxitonin në dilnin jashtë banesave apo ambienteve të ndryshme ku ata ndodheshin.
Një video e postuar në Facebook nga mjekja Anila Dokle, dëshmon guximin për të kaluar ato orë traumatike, ndërsa kërcejnë së bashku me një grua shtatzënë.
Valë tërmetesh në Tiranë, infermierët në maternitet kërcejnë me gruan shtatzënë (video)
Për të inkurajuar nënat e reja në një ditë si ajo e djeshmja, mjekët dhe infermierët e maternitetit ‘Koço Gliozheni’, u shfaqën duke kërcyer dhe argëtuar. Mjekja po kështu ka dhënë lajmin e bukur, duke shkruar se 15 fëmijë erdhën në jetë.
Statusi
Punë dhe mision.
Pritëm 15 bebusha si drita e yllit, gjatë një dite ku përmasa njerëzore u ngrit në një nivel tjetër. I gjithë personeli mjekësor dhe infermieristik në këmbë në mbrojtje të jetës, pa lëvizur asnjë minutë nga gratë, nënat dhe bebet. Krenari dhe mirënjohje!
