Kuvendin nuk e pret asnjë surprizë, pasi opozita sërish do të vijojë me bojkotin. Pas mbledhjeve paralele të Kuvendit në Shkodër, Elbasan, Durrës dhe Vlorë, PD njofton se do të prezantojë sot në Tiranë masat Antimafia për çlirimin e ekonomisë nga korrupsioni dhe oligarkia.
PD do prezantojë abuzimin me koncesionet, lejet dhe tenderat. Po ashtu demokratët do të japin edhe alternativat e zgjidhjes. Nëse kthehemi pas në kohë, në një bashkëbisedim me gazetarët në selinë blu, kreu i PD paralajmëroi se përveç Vettingut në politikë, opozita do të prezantonte edhe ndryshimet në ligjin Antimafia.
Alternativa, sipas PD, ka për qëllim sekuestrimin e pasurive publike të fituara me kontrata në kundërshtim me ligjin. Ndërsa në rendin e ditës së seancës plenare janë disa projektligje, mes të cilave; ai për për dhënien me qira të tokës bujqësore e pyjore, të livadheve dhe kullotave.
Ndërsa vijojnë që të jenë të mbartura nga sesioni i kaluar projektligji për magjistratët, dhe ai për Kodin Rrugor.
https://tiranatoday.com/ps-serish-e-vetme-ne-seance/
Rendi i ditës
Miratimi i procesverbalit të seancës plenare të datës 20.9.2018 (neni 44, Rregullore)
- Njoftimi i projektligjeve të depozituara në Kuvend (neni 44, pika 3 e Rregullores)
- Projektligji “Për një ndryshim në ligjin nr. 102/2015, “Për sektorin e gazit natyror”
- Projektligji “Për dhënien me qira të tokës bujqësore e pyjore, të livadheve dhe kullotave”
- Projektligji “Për aderimin në aktin e Gjenevës të marrëveshjes së Lisbonës për emërtimet e origjinës dhe treguesit gjeografikë”.
- Të mbartura për votim:
– Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë” (Neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)
– Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar”” (neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)
- Diskutime për çështje jashtë rendit të ditës.
