Protesta e shtatë kombëtare e opozitës nuk do të zhvillohet në datën 31 maj, por me 2 qershor në orën 19:00.
Opozita jo parlamentare ka vendosur të shtyjë me dy ditë protestën, dhe shkak është bërë fakti se në 31 maj është nata e Kadrit, një natë e shenjtë për besimtarët myslimanë.
Protesta e radhës u vendos menjëherë pas mbylljes së protestës së 25 majit, ku kreu i PD Lulzim Basha zhvilloi një mbledhje me ish-deputetët, kryetarët e degëve dhe kryebashkiakët opozitarë.
Kujtojmë se dhe kryeministri Rama zhvendosi ditën e djeshme hapjen e fushatës elektorale në 1 qershor për shkak të protestës, dhe këtë e bëri të ditur në letrën e pestë publike drejtuar Bashës për një dialog pa kushte.
