Opozita e bashkua dogji mandatet e deputetit pasi nuk pranojnë të qeverisen nga Edi Rama, duke e akuzuar se ka ardhur në pushtet duke blerë votën dhe se sistemi është i kapur dhe komandohet nga krimi. Ish-deputeti i LSI-së, Përparim Spahiu s’shkruan se: “E gjithë barra i ngelet opozitës, si shpresa e vetme e shembjes së këtij sistemi kriminal krijuar nga Rilindja”.
Sipas Spahiut, duhej të nisnin hetime ndaj deputetëve të përfshirë në skandalin e përgjimit të pretenduar të disa gazetarëve të kronikës së zezë apo investigativë.
REAGIMI I PLOTË:
A mund të quhet legjitim ky parlament, kjo qeveri?!
Çdo ditë shqiptarët po binden për iligjimitetin e parlamemtit e për rrjedhjojë dhe të Qeverisë.
Çdo ditë po dalin fakte që kjo qeveri është e zhgjedhur nga krimi dhe në marrëdhënie me të.
Çdo ditë po bindemi që jemi me prokurori të emëruar nga KM-ja, e normal nuk mund ta hetojë Atë.
Dhjetëra përgjime të publikuara së fundmi tregojnë lidhjen e shtetit me krimin.
Përgjohen gazetarë, të cilët kanë denoncuar abuzimet e kësaj qeverie, ndërkohe që duhej të nisinin hetime ndaj deputetëve të përfshirë në këtë superkandal.
E gjithë barra i ngelet opozitës, si shpresa e vetme e shembjes së këtij sistemi kriminal krijuar nga Rilindja.
