Opozita nuk ka ndërmend që të shkojë në Kuvend, deri në arritjen e objektivave që ka parashtruar për ditë më radhë. Me gjasë, bojkoti do të zgjasë, e ndërsa destinacioni i tyre i radhës është Durrësi.
Në mbledhjen e grupit parlamentar të PD është arritur në një marrëveshje që mbledhja këtë të enjte të zhvendoset në qytetin e Durrësit, si mesazh i rezistencës së bashkëqeverisjes me krimin.
Po kështu, grupi parlamentar i PD ka vendosur që të bojkotojë komisionet parlamentare gjatë kësaj jave. Mësohet se pas mbledhjes së grupit, kryetari i PD, Lulzim Basha, do të niset për vizitë një ditore në Gjermani, ku janë parashikuar takime në Bundestagun gjerman.
