Bashkëkryetari i Komisionit të Reformës Zgjedhore, Damian Gjiknuri, ka komentuar kërkesën e opozitës për të dhënë dorëheqjen. Sipas tij, nëse ai është sebepi, është gati të largohet.
Gjiknuri duket tashmë i tërhequr nga ideja për t’u larguar nga struktura, në kuadër të kompromisit. “Pse duhet ta bëja fakt të kryer, duke qenë se jam përfaqësues i një partie politike, dhe ai është një komision bipartizan”, tha ai.
“Nuk e kanë kusht, ky është sebep. Problemi i vërtetë i tyre është se ata nuk njohin Parlamentin dhe Komisionin e Reformës Zgjedhore. Dhe unë thashë “nëse unë qenkam sebepi, jam gati të largohem. Por jo që unë të sakrifikohem për një interes të Partisë Demokratike, duke thënë “oreksi vjen duke ngrënë, të iki ky, të iki ai, të iki Rama”….
