Kreu i Kuvendit Gramoz Ruçi ka përjashtuar nga seanca deputetin e Partisë Demokratike, Edmond Spaho.
Përjashtimi erdhi pasi opozita dhe deputeti Spaho nuk liruan foltoren e Kuvendit, ndërsa deputeti demokrat nuk i liroi vendin deputetes Mehmetaj.
“Në zbatim të pikës 5 të nenit 64, ju paralajmëroj se do ju përjashtoj nga seanca.
Neni 64 pika 5, në rast se deputeti vazhdon të mbajë të zaptuar foltoren edhe pas tërheqjes së vëmendjes për më shumë se 1 minuta, përjashtohet nga seanca.
Zotim Spaho përjashtohet nga seanca”, tha Ruçi.
Bllokimi i foltores nga opozita erdhi pasi Ruçi i ndërpreu fjalës Edmond Spahos, i cili po fliste për ekstradimin e Nazer Seitit, gjë që nuk është toleruar nga kreu i Kuvendit.
Ky i fundit, madje iu drejtua Bashës me fjalët: “Mos bëj si halabak, sillu si lider”. TIRANA TODAY
