Opozita ka bojkotuar Kuvendin, sikundër ishte paralajmëruar më herët. Por surpriza vjen nga ana e mazhorancës, pasi është vënë re mungesa e pesë ministrave, përfshirë edhe kryeministrin Rama.
Opozita ka bojkotuar sërish seancën, në shenjë proteste për shkak të situatës kriminale në vend.
Paralelisht me seancën, deputetët e opozitës së bashkuar po zhvillojnë takimin mes tyre në Elbasan.
Sikundër duket qartë edhe nga fotoja e shkëputur pak pas nisjes së seancës, mungojnë edhe 5 ministra, përfshirë edhe vetë kryeministrin.
Në karriget ministrore mungojnë Olta Xhaçka, Ditmir Bushati, Fatmir Xhafaj, Pandeli Majko dhe Damian Gjiknuri.
