Federata e Futbollit e Brazilit (FFB) ka njoftuar se operacioni në këmbën e djathtë të Neymar ka kaluar me sukses. “Operacioni mbaroi, Neymar tashmë ndodhet në dhomën e tij. Shkoi mirë”, ka thënë një zëdhënës i FFB-së.
Operacioni ka zgjatur më shumë nga sa ishte parashikuar, por në fund gjithçka ka shkuar mirë. Sipas shtypit brazilian, sulmuesi i Paris Saint Germain, Neymar, është operuar sot në spitalin e Belo Horizonte dhe gjithçka ka shkuar mirë. Operacioni erdhi pas një dëmtimi të pësuar në këmbën e majtë të dielën e kaluar në kampionin e La Liga, në ndeshjen ndaj Marsejës.
Sulmuesi brazilian pritet të mungojë të paktën dy muaj, edhe pse doktorit i ekipit kombëtar të Brazilit, Rodrigo Lasmar, ka thënë më herët se ai pritet të mungojë dy deri në tre muaj.
Megjithatë, Neymar pritet të jetë i gatshëm për Kupën e Botës në Rusi, me lojën hapëse të Brazilit kundër Zvicrës që do të zhvillohet më 17 qershor.
