U bë një kohë e gjatë që në media përflitet për një zënkë mes Kejsi Tolës dhe Olta Bokës, aq sa ato nuk i flasin më njëra-tjetrës. Shkak për këtë krisje mes tyre thuhet të jetë bërë një deklaratë e Kejsit në emisionin “Shiko kush luan”. Por këto zëra dashakeqe i ka shuar vetë Olta, teksa ka qenë e ftuar në emisionin “Thumb” të Fatmës dhe Aulonës.
“Jo, jo, fare. Nuk është e vërtetë (që jemi zënë). Ne në fakt për arsye të tjera nuk jemi më bashkë tek resorti që këndonim. Me impenjimin e përditshëm, normalisht bëhet e vështirë.
Vjen një moment që të duhet të bësh disa kompromise për gjërat që ti do të arrish, pavarësisht se unë vazhdoj të këndoj. Për marrëdhëniet me Kejsin dhe Julianën, absolutisht janë shumë të mira pavarësisht asaj deklaratës së Kejsit.
Më të shqetësuar kanë qenë njerëzit që pyesnin. Unë e mirëkuptova përsa i përket situatës, fakti që e pa si alternativën më të mirë për të shpëtuar.
I vetmi gabim që mendoj unë që mund të ketë bërë, mund ta kishte justifikuar alternativën për njerëzit, jo për mua, duke thënë: Ej shiko se do më kuptojë!”, ka thënë Olta.