Aktori i humorit, Olsi Bylyku, ka thënë publikisht se ai paguhet më pak në krahasim me kolegët e tij, të cilët janë edhe ndër miqtë e tij më të mirë në “Be Coffe”, në Tv Klan.
Këtë detaj ai e ka zbuluar teksa ka qenë i ftuar në emisionin “Thumb”. Ai tha se dy miqtë e tij e morën riskun më herët, duke qëndruar për një kohë të gjatë pa punë, duke studiuar terrenin.
“Ne nuk kemi ndarë kurrë pozicione me njëri-tjetrin që unë jam drejtori, ti do të merresh me këtë, unë me atë. Ne nuk paguhemi njësoj, sepse ata e morën përpara meje riskun që të largohen nga Portokallia, dhe kanë qëndruar shumë gjatë pa punuar duke studiuar këtë emision, dhe kanë benefite monetare më të mëdha se unë. Por me kalimin e sezoneve, sigurisht që do të ndryshojë terësisht pagesa”, u shpreh Olsi.
