Shtetet e Bashkuara kanë paraqitur një propozim-rezolutë në Këshillin e Sigurimit, për ashpërsim të sanksioneve kundër Koresë Veriore. Një diplomat i lartë i Kombeve të Bashkuara thotë se për këtë propozim-rezolutë do të diskutohet gjatë ditës së sotme në Këshillin e Sigurimit dhe se mendohet se Rusia dhe Kina do ta mbështesin këtë dokument.
Ndalesa e eksportit të thëngjillit, hekurit, plumbit dhe ushqimeve të detit nga ana e Koresë Veriore, janë pjesë e kësaj rezolute e cila synon gjithashtu uljen e të ardhurave të Phenianit nga 3 miliardë në 2 miliardë dollarë nga eksporti, shkruan REL.
Që këto masa të miratohen duhen së paku 9 vota për, nga 15 anëtarët e Këshillit të Sigurimit të Kombeve të Bashkuara, dhe që të mos ketë veto nga anëtarët e përhershëm, Shtetet Bashkuara, Kina, Rusia, Franca dhe Britania.
Pas testimit të dy raketa balistike ndërkontinentale në korrik të këtij viti nga ana e Koresë së Veriut, Shtetet e Bashkuara po kërcënojnë të vendosin sanksione më të fuqishme.
