Dy persona të tjerë janë venë në shënjestrën e OFL-së, të detyruar që brenda 48 orësh të deklarojnë pasurinë e tyre. OFL u ka dërguar kërkesat për vetëdeklarim të pasurisë shtetasve F. H., banues në Krujë, i dënuar për veprën penale “Vjedhja me dhunë”. Dhe shtetasit me inicialet T. Ç., banues në Elbasan, i dënuar për veprën penale “Trafikim i lëndëve narkotike”. Shtetasit në fjalë duhet t’u përgjigjen me shkrim brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut për veprime të mëtejshme.
Njoftimi i policisë
Në zbatim të detyrave të përcaktuara në Aktin Normativ të datës 31 janar 2020, vijon operacioni Forca e Ligjit, në bashkëpunim me strukturat vendore të Policisë, për dërgimin e kërkesave për vetëdeklarim të pasurisë.
Në këtë kuadër, OFL u ka dërguar kërkesat për vetëdeklarim të pasurisë shtetasve:
F. H., banues në Krujë, i dënuar për veprën penale “Vjedhja me dhunë”;
T. Ç., banues në Elbasan, i dënuar për veprën penale “Trafikim i lëndëve narkotike”;
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.
