Pasi Operacioni Forca e Ligjit i kërkoi të vetëdeklaronte pasurinë, një kundërpërgigje ka ardhur nga Ibrahim Lici në Shkodër. Ibrahim Lici i ka kthyer një përgjigje OFL-së nëpërmjet babait të tij, Mustafait.
Ibrahim Lici, i dyshuari kryesor për ekzekutimin e dy vëllezërve Bilali në Shkodër, refuzon të plotësojë formularin e OFL-së, për justifikimin e pasurisë.
Mustafa Lici është shprehur se djali i tij Ibrahim Lici nuk është subjekt i këtij ligji, sepse nuk është dënuar asnjëherë, nga asnjë gjykatë.
“Unë Mustafa Lici, ju kthej përgjigje në emër të djalit tim, Ibrahim Lici. Refuzon të ju përgjigjet pasi Ibrahim Lici nuk është subjekt i këtij ligji. I pa dënuar nga asnjë gjykatë vendase ose e huaj. Nuk ka asnjë masë sigurie nga ndonjë gjykatë për ndonjë vepër penale, aktualisht as e huaj as vendase. Nuk është person nën hetim nga prokuroria për asnjë vepër apo çështje penale”, shkruhet në dokument.
