Përfaqësues të Policisë së Shtetit dhe të BKH-së ndodhen në ambientet e RTV Ora, për të kryer ekzekutimin e vendimit të gjykatës.
Administratori i shtetit, Faraudin Arapi po mban një takim me drejtuesit e televizionit dhe përfaqësues të policisë dhe byrosë.
Faraudin Arapi: “Nuk do të lejoj askënd që në këtë proces të diktojë në programacion etj. Vijoni sic jeni tani. I takon sektorit juridik të kryejë zbatimin e vendimit.
Mendoj se duhet të jem pjesë e juaj. Ju mbështes dhe do jemi bashkë deri në përfundim të hetimit e gjykimit përfundimtar.
Nuk dua të më dëmtohet asnjë vlerë. Askush të mos largohet nga pozicioni që ka. E konsideroj veten pjesë tuaj dhe do të vijoj të jem pjesë e mirëadministrimit që ka ky institucion.
Të gjithë bashkë me kolektivin tuaj i kemi mundësitë të qëndrojnë në krye të detyrës”. / oranews
