Marinela Hysa është rikthyer sërish në fokus, pas një shkëputje të gjatë nga rrjetet sociale. Marinela spikati përmes ngacmimeve dhe ofendimeve përmes Tik Tok-ut. Madje ajo ofendoi shumë personazhe të njohur të showbizz-it.
Marinela ka qenë e ftuar në emisionin “Kafe Shqeto”, ku ka folur për problemet që ajo ka pasur me veten pas videove që bënë bujë.
“Nuk kam qenë fare mirë, tani jam më mirë. Kam pasur probleme të mëdha emocionale dhe më duhej të shkëputesha nga Tik Tok-u. Familjarët më morën telefonin, sepse duhet të qetësohesha se kisha dalë nga vetja”, tha Marinela.
Ajo ka shprehur pendesë për çdo sharje, ndërsa thekson se është një “kartë e djegur”.
“Unë jam kartë e djegur, nuk e di çfarë do të bëhet me jetën time. Unë nuk e di çfarë i bëra vetes, unë mund të cilësohem një nga vajzat që arrita deri në majë e në fund bie po vetë.
Unë duhet të rri një periudhë vetëm të qetësohem, të filloj të lexoj siç kam bërë gjithë jetën time, të bëj sport të futem te bota ime”, theksoi Marinela.
