Organizata Botërore e Shëndetësisë tha të enjten se 95% e dozave të vaksinave të administruara deri tani, në të gjithë botën, ishin të kufizuara në 10 vende dhe bëri thirrje për një shpërndarje më të drejtë.
Sa i përket dozave totale, vendet kryesore janë SH.B.A., Kina, Britania e Madhe, Izraeli, Emiratet e Bashkuara Arabe, Italia, Rusia, Gjermania, Spanja dhe Kanada, shkruan News 24.
Drejtori rajonal i OBSH-së për Evropën, Hans Kluge, tha në një konferencë për media se OBSH-ja po punonte për të siguruar vaksinat për gjitha vendet, por çdo vend që është i aftë të kontribuojë duhet ta bëjë këtë.
The World Health Organization’s emergency committee will meet two weeks early on Thursday to discuss the new coronavirus variants from South Africa and Britain that have rapidly spread to at least 50 countries and sparked widespread alarm.https://t.co/HWSXk9llok
— News24 (@News24) January 14, 2021
Sipas organizatës, mbi 32 milionë doza të vaksinave COVID-19 janë administruar deri më tani.
Në Rajonin Evropian të OBSH-së, i cili përbëhet nga 53 vende, që përfshin Rusinë dhe disa vende në Azinë Qendrore, 31 vende kanë filluar programet e vaksinimit.
Por, përkundër fillimit të fushatave të vaksinimit, sipas Kluge shpejtësia e përhapjes së koronavirusit në disa vende, për shkak të varianteve të reja më ngjitëse, ishte shqetësuese.
