Drejtuesi i Përgjithshëm i OBSH-së për Evropën, Hans Kluge, paralajmëron për një “rigjallërim” të pandemisë.
Në një konferencë për mediat, Kluge tha se vendet evropiane po regjistrojnë mesatarisht 26,000 raste të reja me koronavirus çdo ditë.
Ai theksoi se pavarësisht se epiqendra e pandemisë ka lëvizur tek dy Amerikat, rajoni i Evropës vijon që të ketë 17 për qind të rasteve totale në botë.
“Rastet e reja kanë vijuar që të rriten çdo javë në rajon. Janë regjistruar 40,000 raste më shumë në javën e parë të gushtit, krahasuar me javën e parë të qershorit, kur rastet ishin në pikën e tyre më të ulët. Çdo ditë tashmë Evropa raporton mesatarisht mbi 26,000 raste të reja. Kjo vjen edhe si pasojë e lehtësimit të masave shtrënguese…autoritetet kanë lehtësuar masat ndërsa njerëzit kanë ulur mbrojtjen”, tha ai.
