Organizata Botërore e Shëndetësisë (OBSH), ka paralajmëruar se Afrika mund të përfshihet nga një valë e tretë e koronavirusit, për shkak të përhapjes së varianteve të reja, që kanë sjellë rritje të të infektuarve.
Varianti indian i koronavirusit, Delta, por transmetohet gjithnjë e në më shumë vende, teksa rastet e reja javore kanë kapërcyer shifrat më të larta të regjistruara gjatë pikut të valës së dytë në janar të këtij viti, shkruan BBC.
Rastet e reja janë rritur për shtatë javët e fundit dhe janë rritur me një mesatare prej 28% çdo javë gjatë muajit të kaluar, sipas Qendrave të Afrikës për Kontrollin dhe Parandalimin e Sëmundjeve (CDC).
OBSH thotë se më shumë se 251,000 raste të reja u regjistruan në javën që përfundon me 4 korrik, duke e bërë atë “javën më të keqe të pandemisë ndonjëherë”.
“Afrika sapo ka shënuar javën më të tmerrshme të pandemisë së kontinentit ndonjëherë. Por më e keqja pritet të vijë pasi vala e tretë që lëviz me shpejtësi vazhdon të fitojë shpejtësi dhe terren të ri,” tha Matshidiso Moeti, drejtori rajonal i OBSH-së për Afrikën.
