Përtej vendimit për zgjedhjet, një jehonë të madhe bëri edhe gjesti i presidentit Meta, duke bërë shqiponjën. Mjaft i vendosur e me një qëndrim të prerë, përkundër ‘kërcënimeve’ që kishin ardhur me herët nga ana e PS-së, Meta pa iu dredhur qerpiku firmosi “live” para kamerave ç‘dekretimin e datës së zgjedhjeve. Në fund përshëndeti qytetarët me simbolin e shqiponjës dykrenare, duke përcjellë edhe njëherë mesazhin se Shqipëria dhe stabiliteti i saj është mbi çdo interes tjetër.
Në mesazhin e qartë, e të artikuluar mjaft pastër, Presidenti Meta tha se të gjithë së bashku duhet të punojnë për t’i shërbyer të ardhmes së Shqipërisë, destinacioni i së cilës është familja e madhe e Bashkimit Europian.
Por pavarësisht mesazheve ndaj klasës politike, e mungesës së gjuhës së përbashkët, në rrjetet sociale kanë shpërthyer komentet në lidhje me simbolin e bërë nga vetë Meta. Një koment ironik është përcjellë edhe nga ana e gazetarit investigativ Artan Hoxha, i cili ka rikthyer disa foto të vjetra, ku Meta ka në krah bukuroshen Luana Vjollca.
Nëse kthehemi pas në kohë, në 28 nëntor të vitit të shkuar, Luana dhe Meta bënë shqiponjën. Por gazetari Artan Hoxha e ka shfrytëzuar këtë detaj, ndërsa ka hedhur disa kunja ndaj Metës.
“O flori, po kete punen e shqiponjes ce deshe…..
Ti mbahesh mend, me ze e figure, per bllokun e zi(si blloku i zi i Eskobarit, atij te vertetit, jo ketij ish-drejtorit tend nga Delvina) jo per shqiponjen e zeze me dy koka mbi flamurin e kuq te kombit…
Andej nga zona jote, dhe imja bashke, Skrapari, shqiponjes i thone thjeshte shqipe, dhe as plakat dhe as pulat nuk e ngaterrojne kurre korbin e Zi me SHQIPEN, sado i madh dhe i zi te jete korbi…”, shkruan ai në Facebook.