Pasditen e djeshme në emisionin “Ftesë në 5” ishte gazetari Ervin Kurti, ndërsa zbuloi disa detaje në lidhje me rubrikën që do të startojë në emisionin “E Diell”.
Këtë të diel rikthehet në ekranin e Top Channel rubrika “E Diell në Fermë”, ku personazhe të njohur do të qëndrojnë 12 orë në fshat. Rubrika do të drejtohet nga gazetari Ervin Kurti.
Ervini kishte mësuar disa zakone të reja nga jeta e fshatit, dhe një ndër to ishte të mbante hudhër në xhep. Kjo në fakt lidhet me një besëtytni, e cila tregon që nëse e mban hudhrën në xhep, atëherë shpëton “nga syri i keq”. Ai nxori në emision live nga xhepi një hudhër dhe ia dhuroi Bietës.
“Mbaje hudhrën me vete sepse është për çështje syri. Unë po dëgjoj çfarë më thonë në fshat, sepse janë ato gratë që thonë marshallah, marshallah dhe kam frikë nga syri”, tha Ervini.
