Përballja Turqi-Greqi është e fortë. Ministria e Mbrojtjes e Turqisë njoftoi se 6 avionë F-16 të Greqisë që i janë afruar zonës së shpallur si “Navtex”, janë larguar nga rajoni përmes parandalimit nga avionët luftarakë turq.
“Avionët F-16 të Forcës Ajrore Turke parandaluan avionë F-16 në jugperëndim të ishullit të Qipros, në mënyrë që të siguronin identifikim vizual dhe të hiqnin trafikun e përmendur ushtarak që i afrohej zonës të shpallur Navtex, ndërsa avionët u identifikuan se i përkisnin Greqisë dhe u larguan nga rajoni. Vazhdojnë me vendosmëri të pafund aktivitetet për të mbrojtur të drejtat dhe interesat tona në Mesdheun Lindor”, tha ministria.
Nga ana tjetër e medaljes qëndron Greqia. Sipas “Protothema”, 6 avionë të forcave ajrore greke u nisën nga Kreta për në Qipro duke mbërritur atje pa asnjë problem.
Madje, sipas “Protothema”, avionët grekë i perceptuan nga turqit vetëm pasi ata ishin në ajër dhe u kapur kështu gafil në mijëra metra lartësi.
