Ish-ministri Damian Gjiknuri ditën e sotme ka marrë pjesë në një takim elektoral në Konispol prej ku foli edhe për përgjimet e publikuara nga gazeta gjermane “Bild”.
Ai u shpreh publikisht se përgjimet nuk mund të përdhosin fitoren e Partisë Socialiste: “I ftoj në çfarëdolloj sfide, le të përgjojnë këdo, ne prapë do fitojmë”.
“Pavarësisht se këtu në Konispol jemi pa kundërshtarë, ne në 30 qershor duhet të marrim pjesë masivisht në zgjedhje. Vota e popullit nuk tjetërsohet as me dhunë dhe me ato palo përgjime që nuk mund të përdhosin fitoren e Partisë Socialiste. I ftoj në çfarëdolloj sfide, le të përgjojnë këdo, ne prapë do fitojmë. Kemi shumë gabime, por dimë të ndryshojmë”, tha Gjiknuri.
