Ndërsa artistët vijojnë protestën e tyre para Teatrit Kombëtar, aktori i njohur Mehdi Malkaj ka përçuar një mesazh për kryeministrin Rama.
Në fjalën e tij, gjatë mbrëmjes së sotme, Malkaj ka rikujtuar fjalimin e kryeministrit pas fitores së zgjedhjeve të vitit 2013, ku deklaroi se: “Nga ky moment unë jam kryeshërbëtori juaj.”
Mes të tjerash, aktori theksoi se nuk varet nga gjatësia sa i zgjuar je, ndërsa shtoi se dje topi ishte në fushën e Ramës, ndërsa sot është në fushën e artistëve.
“Kur ndodhi protesta isha larg dhe nuk munda te isha. Dua ti flas pak kryeministrit. I dashur Kryeministër. Në vitin e largët 2013 ju përpara PS mbajtët një fjalim të shkëlqyer me përjashtim “nga ky moment unë jam kryeshërbëtori juaj”. Kur jeni kryeshërbëtori, unë jam kryepronari. Pse na bie ne pronarëve 3 herë në ditë, para dhe pas buke.
Po ta them edhe si të njohur. Po ta them si të njohur të largët në Universitetin e Arteve ndeshja bëhet me dy takime. Deri dje ishte në fushën tënde, sot është në fushën tonë. Do gjesh belanë, nuk varet nga gjatësia ore sa i zgjuar je, se i lartë është edhe plepi, por e dhjesin sorrat”, deklaroi Malkaj.
