Nuk u grumbullua për në Rusi, lojtari i Bayernit shpërthen në lot

Gjermania ka publikuar ditën e sotme listën e lojtarëve të cilët do të udhëtojnë drejt Rusisë për të përfaqësuar vendin e tyre në Botëror. Duke pasur një numër të madh lojtarësh të cilët po shkëlqejnë, trajneri Joachim Low ka bërë disa zgjedhje mjaft të vështira duke mos përfshirë disa lojtarë që janë mjaft në formë. Çuditërisht, pjesë e listës nuk ishte sulmuesi i Bayern Munich Sandro Wagner.Gjatë seancës stërvitore të së martës ai është fotografuar duke qarë teksa vraponte me shokët e ekipit në nxehje. Siç raporton edhe Bild, ai është ngushëlluar nga shokët e ekipit. “Nuk mund ta kuptoj. Po të ishte për mua, ai do të ishte në Rusi,” është shprehur trajneri i tij Jupp Heynckes.Ndërsa trajneri i përfaqësueses është shprehur: “Nuk ishte një vendim kundër Sandros, ai e ka vërtetuar klasin e tij gjithmonë te kombëtarja. E di shumë mirë se sa e rëndë është një lajm i tillë për lojtarët. Por këto vendime merren gjithmonë për të mirën e ekipit.”