Një 31-vjeçar është vënë në pranga, pasi ka tentuar ti digjte shtëpinë ish-të dashurës pas ndarjes me këtë fundit. Policia në njoftimin zyrtar bën me dije se shtetasi me inicialet V. Z., 31-vjeç, ka ushtruar vazhdimisht dhunë psikologjike ndaj të ish-të dashurës. Ai nuk e ka përballuar ndarjen, ndaj në shenjë hakmarrje ka menduar për ti djegur banesën. Specialistët për Hetimin e Krimeve në Komisariatin e Policisë Nr. 6, bënë arrestimin në flagrancë të 31-vjeçarit.
“Specialistët për Hetimin e Krimeve në Komisariatin e Policisë Nr. 6 bënë arrestimin në flagrancë të shtetasit V. Z., 31-vjeç, pasi ka tentuar t’i djegë banesën ish të dashurës, dhe në mënyrë të vazhdueshme ka ushtruar dhunë psikologjike ndaj saj”, njofton policia.
