Një ngjarje e rëndë ka ndodhur në datën në 26 gusht, ku një grua është masakruar nga bashkëshorti i saj pasi i kishte kërkuar divorcin. Ngjarja tragjike është raportuar sot, ku mësohet se një 34-vjeçare është vrarë nga bashkëshorti i saj shqiptar në Zvicër. Gazeta e njohur zvicerane ‘Blick’ shkruan se 34-vjeçarja Luiza, u vra pasi i kërkoi të shoqit divorcin.
Ajo u gjet e vdekur në apartamentin e saj dhe e mbuluar me gjak, për shkak të dhjetëra goditjeve me thikë nga bashkëshorti.
E ndjera vuante prej kohësh nga dhuna sistematike që ai ushtronte ndaj saj. Dëshmitarët kanë thënë se bashkëshorti e kërcënonte se do t’i vriste familjarët, nëse ajo ndahej prej tij.
Ata janë prindër të katër fëmijëve, ndërsa prej një viti Luiza ishte transferuar në një tjetër apartament, ku jetonte së bashku me fëmijët si dhe kishte marrë edhe urdhër mbrojtje. Por pavarësisht kësaj, ajo vazhdonte të kërcënohej nga i shoqi.
