Vienë
Një grua 35-vjeçare ishte duke punuar në një dyqan ‘Tobacco’ në Vienë kur sipas autoriteteve ish i dashuri i saj e spërkati me benzinë dhe i vuri flakën në mars. Në prill, një grua tjetër në të njëjtën moshë u gjet e qëlluar për vdekje në shtëpinë e saj në kryeqytetin austriak, gjithashtu thuhet se ishte vrarë nga ish-partneri i saj.
Ato ishin përkatësisht viktimat gra numër gjashtë dhe numër nënta në rend kronologjik që janë vranë në Austri këtë vit, dhe pesë të tjera kanë pasur të njëjtin fat që nga prilli. Kjo ka sjellë gjithsej këtë vit deri më tani vrasjen e 14 grave, duke e bërë kombin austriak një nga vendet e pakta të Bashkimit Evropian ku numri i grave të vrara është më i lartë se numri i burrave të vrarë.
Rastet e fundit kanë çuar në protesta të përshkallëzuara, sidhe kërkesa për ndërhyrje të qeverisë dhe dënime nga Kancelari austriak Sebastian Kurz dhe Presidenti Alexander van der Bellen.
“Shumë pak po bëhet për të mbrojtur gratë nga dhuna“, tha van der Bellen kohët e fundit pas takimit me përfaqësuesit e strehëzave të grave dhe organizatave të parandalimit të dhunës.
Shkalla e vrasjeve në Austri është e ulët, më pak se 1 në 100,000 njerëz, por përqindja e grave të vrara në raport me burrat është e lartë. Vitin e kaluar, 31 nga 43 viktimat e përgjithshme të vrasjeve në vend – rreth 72 përqind – ishin gra, sipas Strehimoreve Autonome të Grave Austriake të Roesslhumer-it, një organizatë joqeveritare që ndjek problemin. /Tirana Today
